મિત્ર, તારી યાદ આવે છે...

વીતેલી એ પળોની મહેક સાથ લાવે છે,

હા મિત્ર, આજે ફરી તારી યાદ આવે છે.

નહોતી કોઈ ચિંતા કે નહોતો દુનિયાનો ડર,

સાથે હતા આપણે તો આખું આભ હતું ઘર;

એ નિખાલસ હાસ્ય હવે ક્યાંક ખોવાય છે,

ખરેખર મિત્ર, આજે તારી બહુ યાદ આવે છે.

નાની વાતમાં લડવું ને ફરી ભેગા થઈ જવું,

એક જ ડબ્બામાંથી નાસ્તો કરી ખાઈ જવું;

એ મસ્તીના દિવસો હવે સપનામાં જણાય છે,

તારા વગર આ ભીડમાં પણ એકલું જીવાય છે.

વરસો વીતી ગયા પણ તારી જગ્યા છે ખાલી,

તારી ધેલી વાતો હતી દુનિયામાં સૌથી વહાલી;

દિલના કોઈ ખૂણે આજે પણ દીવો તારો પ્રગટાય છે,

મિત્ર, એટલે જ કદાચ તને મળવા મારું દિલ લલચાય છે..